Asociación Cultural Estudios Históricos de Galicia

El Ideal Gallego publica hoxe unha noticia sobre o patrono de Betanzos, basada no artigo do noso compañeiro da Asociación de Estudios Históricos de Galicia, José Manuel Bértolo Ballesteros, incluido na recente edición do Anuario Brigantino.

Podes ler a noticia completa no seguinte enlace: El ideal Gallego

“Agora chéganos, en forma de libro perfectamente editado, a primeira biografía (obra de pura investigación) doutro coruñés imprescindíbel pola súa figura, legado e transcendencia: Federico Tapia Segade (1825-1891), quen fora, con todas as da lei, o “primeiro alcalde republicano da Coruña”. Romero Masiá e Pereira Martínez, historiadores que xa nos deron formando “tándem” obras, entre outras, sobre Xaime Quintanilla ou sobre a cultura obreira coruñesa, ofrécennos agora un volume de extraordinaria importancia cultural que non debera pasar desapercibido entre nós”, de Miguel Anxo Fernán Vello.

Javier Garcia Gómez envía para descargar o artigo: “O mosteiro de Pravio (Cambre). Notas e apuntamentos sobre a súa breve existencia na alta Idade Media”.

Xa está dispoñible para descargar na nosa web Nalgures XXII en PDF.

Onte, xoves 30 de xaneiro do 2025, presentouse a publicación editada pola Asociación Cultural de Estudios Históricos de Galicia, Nalgures XXII, correspondente ó ano 2024.

Este acto, ó que asistiu numeroso público, tivo lugar nas instalacións do Sporting Club Casino da Coruña, coa reseña dos 13 artigos de investigación e a posterior conferencia de D. Carlos Pereira Martínez “O espiritismo na cidade de Ferrol no século XIX: o centro La Reencarnación”.

Desde este momento, Nalgures está presente nas principais bibliotecas, arquivos e centros de estudio de Galicia, ademais de accesible para consulta pública neste mismo sitio web.

A Asociación Cultural de Estudios Históricos de Galicia presenta a revista NALGURES XXII o vindeiro xoves 30 de xaneiro de 2025 ás 20 h. na 3ª planta do Sporting Club Casino, rúa Real, 83.

De seguido, conferencia de Conferencia de D. Carlos Pereira Martínez: “O espiritismo na cidade de Ferrol no século XIX: o centro La Reencarnación”.

Xa está nas nosas mans o libro coa biografía do primeiro alcalde republicano da Coruña, a súa traxectoria na política local e nacional, protagonista da historia do seu tempo, do desenrolo dunha cidade vangardista e ilustrada; xunto coa expansión económica, social e urbanística do século XIX.

Este ensaio, obra dos investigadores Ana Romero Masiá e Carlos Pereira Martínez, membros da Asociación de Estudios Históricos de Galicia, editado pola Fundación Luis Tilve, foi presentado o pasado venres, 17 de xaneiro, na Casa Museo Casares Quiroga da Coruña.

O pasado mes de decembro presentouse o Anuario Brigantino nº 43, que recolle a vida diaria do municipio durante o ano 2023 xunto a unha serie de investigacións sobre a historia local de Betanzos.

Nesta presente edición de algo mais de 400 páxinas, dispoñible en formato libro e en versión dixital, destacan varios artigos de investigación asinados por membros da Asociación de Estudios Históricos de Galicia.

• “San Roque padroeiro de Betanzos desde 1694”, por José Manuel Bértolo Ballesteros.
• “O sistema de veredas da provincia de Betanzos (Séculos XVIII e XIX)”, por Álvaro Benedicto Pérez Sancho.
• “Areeiros betanceiros: unha pequena historia contada por eles mesmos”, por Xosé María Veiga Ferreira.

Onte, 27 de decembro, presentouse no Museo do Pobo Estradense Manuel Reimóndez Portela, a XXVII edición da revista A Estrada Miscelánea Histórica e Cultural. Entre os seus variados traballos de investigación histórica, arqueolóxica, artística e cultural, inclúense os asinados por varios membros da nosa Asociación.

Luis Manuel Ferro Pego xunto con José Manuel Bértolo Ballesteros, presentan “Mosteiro femenino de San Xurxo de Codeseda”, un estudo sobre as orixes, a vida monástica, o réxime económico, os privilexios, doazóns, bulas e concesións reais, xunto coas inscricións que formaron parte deste antigo mosteiro.

Javier García Gómez, baixo o título “A Estrada a mediados do século XX. Documentos cartográficos e planimetría”, analiza as representacións cartográficas deste concello a través das fontes documentais e rexistros de actas, cadernos de campo, planimetrías e altimetrías como orixe do Mapa Topográfico Nacional.

“Manuel de Amenedo Montenegro, un cura gallego en la revolución rioplatense” de Carlos Zubillaga. Unha investigación minuciosa, coidada e ampla sobre Manuel de Amenedo, sobre a sociedade en que naceu e sobre a que desenrolou o seu labor. Calquera lector quedará moi satisfeito de seguir a descrición da vida e obra de Manuel de Amenedo, e os historiadores e afeccionados á Historia atoparán un modelo a seguir tanto na metodoloxía como na súa atractiva narrativa. JMBértolo.

O estanco do sal no Reino de Galicia: Os alfolís de Laxe. Iste é o titulo da charla que dará o socio José M. Bértolo Ballesteros no Museo do Mar de Laxe o próximo 23 de xullo ás 18 h.

O noso compañeiro da Asociación Cultural de Estudios Históricos de Galicia, Álvaro Benedicto Pérez Sancho, participa con esta comunicación no congreso titulado “Academias y lugares del saber en el siglo XVIII entre Italia y España. Ciencias, artes, literatura, política y sociabilidad”, na Sesión H: Las ciencias y el mundo académico, en el Tercer Encuentro bilateral de las Sociedades Españolas e Italiana para el estudio del siglo XVIII.
Dipartimento di Scienze della Formazione. Università degli Studi di Catania del 26 al 28 de junio de 2024.