A prensa faise eco dos artigos da nosa revista Nalgures. Neste caso do artigo de Javier García Gómez sobre o Mosteiro de San Cibrao de Bribes.

O vindeiro martes 26 de decembro preséntase, ás 20:00 horas no Museo do Pobo Estradense Manuel Reimóndez Portela, a XXVI edición da revista Miscelánea Histórica e Cultural. Entre os seus variados traballos, inclúense os asinados por varios membros da nosa Asociación.

Luis Ferro Pego xunto con Xosé Troiano Carril, presentan “Campás e campaneiros”, un estudo sobre as campás que inclúe un inventario de todas as do concello da Estrada, ademais dunha completa relación dos mestres fundidores acompañada dunha breve xenealoxía de cada un deles.

Xosé Manuel Bértolo Ballesteros analiza no seu artigo “O doutor Ramón Amigo Brey”, a biografía deste médico, coñecido tanto na Coruña, donde exerceu o seu oficio, como na súa parroquia de nacemento no 1860, Oca de Arriba. Ilustres literatos como Emilia Pardo Bazán, Manuel Reimóndez ou Victoria Armesto adicaron numerosas páxinas a este personaxe.

Javier García Gómez, baixo o título “Dereitos de presentación, rendas, padroado e beneficios de San Martiño Pinario e a Universidade de Santiago, sobre varias parroquias da Estrada no século XVI”, analiza estas obrigas nas freguesías estradenses de Moreiras, Frades, Matalobos, Orazo e San Xurxo, San Xiao e San Andrés de Vea.

Adxuntamos publicación no xornal La Voz de Galicia do 21 de decembro do 2023.

Presentación do libro a cargo do noso compañeiro da Asociación de Estudos Históricos de Galicia, Javier García Gómez, o día 17 de decembro ás 12:00 horas no local da Asociación Veciñal O Cruceiro de Bribes (Riveiriña, Bribes, Cambre).

Nas súas case 400 páxinas ilustradas detállase a historia deste mosteiro de As Mariñas da Coruña, cuxas primeiras referencias documentais remóntanse a principios do século X, a súa orixe e asentamento, o seu papel na articulación territorial, e as numerosas concesións reais. ata a súa anexión a San Martiño Pinario de Santiago a finais do século XV, por mandato dos Reis Católicos.

Na Idade Moderna, como priorato dependente, analízanse a súa organización e goberno, xurisdición territorial, relacións coa comunidade e sistema económico. Descríbese a súa arquitectura, dependencias e as manifestacións artísticas da parroquia asociada. A partir do século XIX detállanse os procesos de desamortización que levaron ao seu estado actual.

Complétase cun detallado anexo documental coa transcrición de 58 documentos, fontes primarias na súa maioría inéditas, desde 1182 ata finais do século XIX, que axudan a contextualizar o corpus descritivo.

Xa se comezou a entregar entre os socios a revista desde ano 2021, Nalgures XVIII, co seguinte sumario:

• Presentación.
• El Pazo de  A Rigueira de Ferrol (Xove): Entronques y Parentela. Alfonso Daniel Fernández Pousada.
• El priorato de San Cibrao de Bribes en el siglo XVIII. Jurisdicción y relaciones socioeconómicas. Javier García Gómez.
• De Santa María de San Salvador a Santa María de Rozavales de la mano de la peregrinación jacobea. Rosa Mª Guntiñas Rodríguez.
• La triste singladura del contralmirante Azarola Gresillón (1874-1936). José María López-Dafonte Sanjuán.
• La desconocida figura de José López de la Vega, publicista y médico ferrolano del s. XIX. Mª Rosario Martínez Martínez.
• El pergamino de Ribadeo: una aportación al estudio de los libros litúrgicos medievales gallegos. Alberto Paraje Méndez.
• Los Sequeiros de aquende el Miño. Carlos de la Peña Vidal.
• As primeiras alumnas do Instituto da Coruña. Ana Romero Masiá.
• La documentación medieval del priorato de Moraime (III): Convenio entre el priorato de Moraime y los vecinos del puerto de Muxía en el año 1338. Reinado de Alfonso XI. María Josefa Sanz Fuentes/José Enrique Benlloch del Rio.
• Actividades.

O día 24 tivo lugar o óbito do pai do noso secretario Javier García Gómez. Descanse en paz. Conta co apoio incondicional de todos os membros da Asociación nestes momentos de dor.

O artigo “El priorato de San Cibrao de Bribes en la Edad Moderna” de Javier García Gómez, publicado no último Nalgures é obxecto de atención pola prensa.

Na asemblea xeral da Asociación do día 3 de decembro saíu elixida a nova directiva.

Está formada por: